კანადელმა პროფესიონალმა მოთამაშემ, სემ გრინვუდმა გერმანელ მოთამაშეების გარკვეულ გუნდზე მძიმე ვერბალური შეტევა მიიტანა - მან გერმანული პოკერის წარმომადგენლები სვავებს შეადარა. 

რამდენიმე დღის წინ, გრინვუდმა Aussie Millions-ის $50.000 დოლარიანი ჰაი როლერ ივენთი მოიგო. სოლიდური ანაზღაურების მიუხედავად, კანადელი ტურნირის მსვლელობით უკმაყოფილოა, რადგან ღონისძიებაზე მხოლოდ 4 მოთამაშე დარეგისტრირდა. გრინვუდის 'ტვიტერზე' გამოქვეყნებულ პოსტში ნათქვამია, რომ გერმანელი ჰაი სტეიკს რეგულარები სუსტ მოთამაშეებს ეძებენ და ძვირადღირებულ ტურნირებს ისე დასტრიალებენ თავს, როგორც მომაკვდავს სვავები. "ეს არ ეხება მხოლოდ გუშინდელ ტურნირს, - წერს გრინვუდი, - შეხედეთ რა მოხდა პრაღაში! $50.000 დოლარიან ტურნირზე 2 მოყვარული, მაგრამ კარგი მოთამაშე დარეგისტრირდა. გერმანელები კი მუდმივად ამოწმებდნენ ტურნირის ლაინ-აფს, ცუდი მოყვარულების მოლოდინში."

მიუხედავად იმისა, რომ გრინვუდს თავის პოსტებში არცერთი მათგანი არ მოუხსენიებია, კორაი ალდემირი და შტეფენ სონტაიმერი მის 'ტვიტებს' გამოეხმაურნენ: "ეს განცხადებები სასაცილოა, - წერს ალდემირი, - სემ, გერმანელების უმეტესობა პრაღაში არც კი ჩასულან. ჩვენ ორნი (უცნობია ვინ იგულისხმება) კი ძალიან უკმაყოფილოები ვიყავით იმ ფაქტით, რომ ტურნირში მონაწილეობა ბაი-ინის და სხვა ტექნიკური მიზეზების გამო ვერ მივიღეთ." გაცილებით მკაცრი იყო სონტაიმერი: "რა სისულელეებს ბოდავ?! კიდევ ვერ მოგინელებია PCA-ზე შენი სულელური ლიმპ-რეიზი და ახლა კიდევ ეს ამბავი... შეწყვიტე 2pacnrw16-ის გერმანულ გუნდში მოხსენიება - მე ვერ გავაკონტროლებ, ვინ რომელი ქვეყნის პასპორტს აიღებს! ცოტათი გაიზარდე და მელბურნით ისიამოვნე!"