გასული წლის მსგავსად, კანადელმა მოთამაშემ $50.000 დოლარიანი სანაძლეოების სერია გახსნილად გამოაცხადა: მომავალი US Poker Open Cup-ის სატურნირო სერიებზე დენიელ ნეგრანუ ნებისმიერი მოთამაშისგან $50.000 დოლარიან ფსონს მიიღებს, რაც იმას გულისხმობს, რომ თუ მოწინააღმდეგე Purple Jacket-ის მფლობელი გახდა, ნეგრანუს მისთვის $50.000 დოლარის გადახდა მოუწევს. თუ წლევანდელი სეზონის გამარჯვებული კანადელი გახდება და Puprle Jacket-ს ის მიიღებს, მაშინ ფულის გადახდა მის მოწინააღმდეგეებს მოუწევთ. 

რა თქმა უნდა, რაც უფრო მეტი მოთამაშის წინააღმდეგ იქნება დადებული სანაძლეო, წაგების შანსები მით უფრო იზრდება, მაგრამ თუ კანადელმა ამერიკულ ტურნირებზე კარგი შედეგი აჩვენა, ის დამატებით მილიონ დოლარს მიიღებს. როგორც ცნობილი ხდება, მის წინააღმდეგ სულ მცირე 20 მოთამაშემ გააკეთა ფსონი. 

ახალგაზრდა მოთამაშეების გათვალისწინებით, უნდა ითქვას, რომ ნეგრანუს მოგების შანსები საკმაოდ დაბალია - მით უმეტეს თუ მხედველობაში გერმანულ დესანტს მივიღებთ. ერთადერთი მიზეზი, რის გამოც კანადელის შანსები შედარებით იზრდება, ისაა, რომ 8 ტურნირიდან რამდენიმე ღონისძიება 8-გეიმსს და პოტ ლიმიტ ომაჰას დაეთმობა - გერმანელები და თანამედროვე ჰაი სტეიკს რეგულარები ძირითადად ულიმიტო ჰოლდემის სპეციალისტები არიან, ამ თამაშში კანადელი საუკეთესო მაჩვენებლით ნამდვილად ვერ დაიკვეხნის.