მაკაუში გამართული Macau Poker Cup მსოფლიოს უდიდეს პოკერ-რუმის, PokerStars-ის რიგით 28-ე სატურნირო სერიაა, რომლის ფარგლებშიც რამდენიმე ათეული ტურნირი იმართება. სერიების ერთ-ერთი ძვირადღირებული ტურნირის, HK$80.000-იანი ჰაი როლერ ივენთის გამარჯვებული ბელორუსი მიკიტა ბადიაკოვსკი გახდა.

ბოლო წლებში, მიკიტა ბადიაკოვსკის სატურნირო კარიერა სულ უფრო მაღლა მიიწევს - მხოლოდ გასულ წელს, ბელორუსმა ჰაი სტეიკს გრაინდერმა $4.5 მილიონი დოლარის გამომუშავება შეძლო. ამჯერად, მაკაუში გამართული ღონისძიების პირველი ადგილისთვის, ბადიაკოვსკიმ ჰონგკონგური $2.324.000 დოლარი მიიღო, რაც დაახლოებით $297.000 აშშ დოლარის ტოლფასია. ამ გამარჯვებით, ბადიაკოვსკის საერთო სატურნირო შემოსავალმა $6.5 მილიონ დოლარს გადააჭარბა. 

17 დღიან სატურნირო სერიაზე 31 სხვადასხვა ღონისძიება გაიმართა, მათ შორის ლეგენდარული Red Dragon Main Event, რომლის გამარჯვებულიც ადგილობრივი პროფესიონალი მოთამაშე, ალვან ჟენგი გახდა. 1.122 მოთამაშეს შორის პირველი ადგილის მოპოვებისთვის, ჟენგმა $390.000 დოლარი მიიღო.