ბარი გრინშტაინი პოკერის სხვა მოთამაშეებისგან რადიკალურად განსხვავდება. გარდა იმისა, რომ ის სხვებზე გაცილებით მაღალ ლიმიტებზე თამაშობს და გაცილებით დიდი გამოცდილების პატრონია, მას თხრობის უცნაური, თავისებური მანერა აქვს, რომელიც არამხოლოდ პოკერის მოყვარულს, არამედ უბრალო მსმენელსაც კი მონუსხავს. მისი წიგნი - Ace on the River პოკერის ისტორიის ერთ-ერთი ყველაზე მასშტაბურად გაყიდვადი გამოცემაა. 

რამდენიმე დღის წინ, ბარი გრინშტაინმა ჯო ინგრამის პოდკასტში მიიღო მონაწილეობა. 'პოკერის რობინ ჰუდმა' ისეთ მოთამაშეებზე ისაუბრა, როგორებიც ფილ აივი, ტომ დუანი, ფილ ჰელმუტი და ტედ ფორესტი არიან. გარდა ამისა, პოკერის ლეგენდა თამაშის სტრატეგიულ ნაწილს შეეხო. როგორც გრინშტაინი განმარტავს, დამწყებმა მოთამაშეებმა, რომლებსაც პროფესიონალურ ლეველზე გადასვლა სურთ, WSOP-ის ან მსგავსი სატურნირო სერიების იაფიანი ივენთები უნდა სცადონ, რადგან წაგების შემთხვევაში მოთამაშე მხოლოდ $1.000-$1.500 დოლარს დაკარგავს, ნაცვლად ქეშ-გეიმზე განიავებული მნიშვნელოვანი თანხებისა. 

PokerStars-ს რაც შეეხება: ბარი გრინშტაინი უკვე ათწლეულზე მეტია, რაც მსოფლიოს უდიდესი პოკერ-რუმის პროფესიონალთა გუნდის წევრია. 'პოკერსტარსის' გარშემო ატეხილ მითქმა-მოთქმას გრინშტაინი საკმაოდ მშვიდად ხვდება და ამბობს, რომ კომპანიის პოლიტიკას რომ არ ეთანხმებოდეს, არც მისი ნაწილი იქნებოდა. ისიც უნდა ითქვას, რომ ბარი გრინშტაინი PokerStars-ის მიერ საკომისიოს გაზრდას მოთამაშეებისთვის არამომგებიან მოვლენად აღიქვამს და არ იზიარებს დენიელ ნეგრანუს აზრს, რომლის მიხედვითაც მოთამაშეები გაზრდილი საკომისიოთი კმაყოფილები უნდა იყვნენ. 

ბარი გრინშტაინი ფილ აივისაც იხსენებს: "აივი 23 წლის იყო, როცა ის ჩემმა მეგობარმა გამაცნო. მითხრეს, რომ მომავალში ის ერთ-ერთი საუკეთესო მოთამაშე იქნებოდა. მასთან გამართული სესიის შემდეგ ვიფიქრე, რომ აივის 'პოკერის' გამართულად დაწერაც კი არ შეეძლო. მოგვიანებით, როცა ონლაინ პოკერი პოპულარული გახდა, ყველაფერი შეიცვალა და აივი თამაშების სათავეში მოექცა." მართლაც, დროთა განმავლობაში, ფილ აივი და ბარი გრინშტაინი საუკეთესო მეგობრები გახდნენ. 

პოდკასტის სრული ჩანაწერი ქვემოთ მითითებულ ბმულზეა ხელმისაწვდომი