$20.840.004 დოლარით, სემ თრიქეთი ინგლისის ყველაზე შემოსავლიანი მოთამაშეების სიას ლიდერობს. 32 წლის ნოტინგემელი გემბლერის პროფესიონალური კარიერა ტრავმით დაიწყო, რომელმაც მას ოცნება ფეხბურთის ვარსკვლავობაზე საბოლოოდ დაუმსხვრია. რამდენიმე დღის წინ, PartyPoker-ის ამბასადორმა ონლაინ გამოცემა High Stakes DB-თან ჩაწერილ ინტერვიუში ღიად ისაუბრა თავის ანთიპათიებზე, მაქსიმალურ ერთჯერად მოგებასა და სამომავლო გეგმებზე. 

უამრავი ახალგაზრდა მოთამაშე ასრულებს პროფესიონალურ კარიერას. ცოტა ხნის წინ იბიცაზე საცხოვრებლად გადახვედი. შენც ხომ არ აპირებ დასვენებას და პოკერიდან წასვლას?

არა, ნამდვილად არა. პოკერი ძალიან მიყვარს და, სავარაუდოდ, ყოველთვის ასე იქნება. PartyPoker-თან ხანგრძლივ ურთიერთობას ვგეგმავ. 

ყველაზე დიდი თანხა, რაც ქეშ-გეიმზე მოგიგია?

£2.1 ფუნტ სტერლინგი

ყველაზე დიდი წაგებული თანხა? 

£2.8 მილიონი ფუნტ სტერლინგი

ვისთან მოგწონს პოტ ლიმიტ ომაჰას თამაში?

ლეონ ცუკერნიკთან. ის არაჩვეულებრივ დინამიკას ქმნის და ყველას აქტიური თამაშისკენ უბიძგებს.

ვისთან თამაში გეზიზღება?

ონლაინ - ბენ ტოლერენთან, ლაივში - ტიმოფეი კუზნეცოვთან. 

სამი მოვლენა, რომელსაც პოკერში აკრძალავდი?

1) ნელი თამაში 'ბაბლის' დროს; 2) ადამიანები, რომლებიც ქურდობაში არიან შემჩნეულები; 3) უილიამ კასუფი, რადგან მის უპატივცემულობას საზღვარი არ აქვს. მაგიდასთან ის ყველას აწუხებს. 

მიაღწევ თუ არა $50.000.000 დოლარიან ზღვარს?

მეეჭვება, რადგან საკმარისი რაოდენობის ჰაი როლერ ტურნირებს არ ვთამაშობ. 

რა გაღიზიანებს ყველაზე მეტად პოკერის მაგიდასთან?

ახალგაზრდა მოთამაშეები. ისინი იმდენად მალავენ თავიან ჩანაფიქრებს, რომ ყოველ მოქმედებას რამდენიმე წუთს ანდომებენ, არაფერი რომ არ შეეტყოთ. 

სათამაშო მაგიდასთან 6 ადგილია. ერთი შენთვისაა შენახული. ვინ არის დანარჩენი 5 მოთამაშე?

მიკი ფლანაგანი, რობერტ დენირო, ჯიმი კარი, ერიკ კანტონა და ზლატან იბრაგიმოვიჩი.