ფულადი ანაზღაურების გარდა, პოკერის მოთამაშეები აღიარებისთვისაც იბრძვიან. Global Poker Index (GPI) მოთამაშეების სატურნირო კარიერას ზედმიწევნით სწავლობს და მათ მიღწევებს რიცხვებში გამოსახავს. 

2018 წლის მოთამაშე, GPI-ის მონაცემების მიხედვით, ალექს ფოქსენი გახდა, რომელმაც სულ ცოტა ხნის წინ გადაუსწრო სტივენ ჩედვიკს. 2018-ში მან $6.6 მილიონი დოლარი მოიგო. HandonMob-ის სტატისტიკის მიხედვით, ფოქსენმა 28-ჯერ დაიკავა საპრიზო ადგილი, საიდანაც 18-ჯერ ფინალურ მაგიდაზე მოხვდა. ფოქსენის ყველაზე დიდი ანაზღაურება მარტით თარიღდებოდა, როდესაც მან Asia Pacific Poker Tour-ის ჰაი როლერ ივენთზე $963.000 დოლარი მოიგო. სულ ცოტა ხნის წინ კი, $300.000 დოლარიან Super High Roller Bowl-ზე, რომელიც აიზიკ ჰექსტონის გამარჯვებით დასრულდა, ფოქსენმა მე-2 ადგილი დაიკავა და $2.16 მილიონი დოლარი მიიღო.

ერთი წლით ადრე, GPI-ის რეიტინგში ალექს ფოქსენმა მე-12 ადგილი დაიკავა. 2017-ის ტოპ ოცეულიდან 2018-ის ოცეულში 9 მოთამაშე მოხვდა, მათ შორის არიან GPI-ის 2017 წლის მოთამაშე ადრიან მატეოსი და უკანასკნელი რეიტინგის რიგით მე-2 მოთამაშე სტივენ ჩედვიკი.