რამდენიმეწლიანი ლოდინის შემდეგ, 6 თებერვალს, პოკერის გულშემატკივრებს Run It Once-ის დატესტვის საშუალება მიეცათ. ახლადგახსნილი პოკერ-რუმის ბეტა ვერსია მომხამრებელს თამაშების შეზღუდულ რაოდენობას სთავაზობს, რომელთა შორისაა ულიმიტო ჰოლდემის მაგიდები, NL4-დან NL2.000-მდე. რაც შეეხებათ ომაჰას მოყვარულებს, მათ PLO4-დან PLO1.000-მდე თამაშების მოსინჯვა შეეძლებათ. 

პოკერ-რუმის სულისჩამდგმელის, ფილ გალფონდის თხოვნით, მოხმარებლებმა სხვადასხვა სოციალურ პლატფორმაზე მათი პირველი შთაბეჭდილებები გააზიარეს: "ძალიან ამაყი ვარ. საოცარ მხარდაჭერას ვგრძნობ, - წერს 'ტვიტერზე' გალფონდი, - მომავალში გამოხატული ნებისმიერი თანადგომა, რაც შეიძლება საიტზე თამაშს, მის სტრიმინგს ან უბრალოდ თამაშის ყურებას გულისხმობდეს, ჩემთვის ძალიან ბევრს ნიშნავს."

პოკერ-რუმზე რეგისტრაციისას მოთამაშეებს საშუალება ექნებათ €600 ევრომდე ბონუსის მიინო. გარდა ამისა, რეგულარული მომხმარებლებისთვის სპეციალური ფასდაკლებების სისტემა მუშაობს. ონლაინ გამოცემა PokerNews-მა ფილ გალფონდთან მცირე ინტერვიუ ჩაწერა, სადაც ლეგენდარულმა მოთამაშემ თავისი ახალი პროექტის დეტალებზე ისაუბრა.

რა განასხვავებს Run It Once-ს სხვა პოკერ-რუმებისგან?

51%-იანი რეიკბექი; სტრიმერების პროგრამა, რომელიც საკუთარი თამაშების სტრიმერს საშუალებას აძლევს 75%-იანი და, ზოგ შემთხვევაში, 100%-იანი რეიკბექი მიიღოს; დინამიური ავატარები და აკრძალული HUD-ები, რაც რეგულარებს დამწყები მოთამაშეების შევიწროვების საშუალებას არ მისცემს. 

როგორ ფიქრობ, რამდენად შეძლებს Run It Once თანამედროვე ონლაინ პოკერის მოთხოვნების და ტენდენციების დაკმაყოფილებას?

ჩემი მთავარი ორიენტირი გრძელვადიან პერსპექტივას ეხება. ჩვენ ვცდილობთ, ისეთი მექანიზმი შევქმნათ, რომელიც პოკერის ახალი პრობლემების გადაჭრას შეეცდება. ორი უმთავრესი მიზანი გვაქვს: ონლაინ პოკერის გაფართოება და მისი დაცვა. 

პოკერ-რუმის გახსნას დიდხანს ელოდით. გაამართლა იმედები?

ყველაფერი საკმაოდ კარგად მიდის. ჩვენი კონცეფციის დიდი ნაწილი, რაც საქმიანობის მომავალს და მის განვითარებას ეხება, სოფტის ფუნქციონირებაზეა დამოკიდებული. ჯერჯერობით, ყველაფერი კარგადაა. რამდენიმე პატარა ხარვეზი იყო, მაგრამ მოულოდნელი და გადაუჭრელი არაფერი მომხდარა. 

როგორი გამოხმაურება ჰქონდა პოკერ-რუმს მოთამაშეებისგან?

წარმოუდგენლად პოზიტიური დამოკიდებულება ვიგრძენი. უამრავი მოთამაშე მწერდა, რომ თავს დაცულად გრძნობდნენ და მთელი ბანკროლი Run It Once-ზე გადმოჰქონდათ. მსგავსი მესიჯები მაჯერებს, რომ სწორ საქმეს ვაკეთებთ. კრიტიკული პოსტების კითხვა მიჭირს. სოფტის გასაუმჯობესებლად ყველაფერს ვაკეთებთ. დაახლოებით 200-მდე იდეა მაქვს, რის დამატებასაც ვფიქრობთ, მაგრამ ამ ყველაფრისთვის დროა საჭირო. მალე გამოჩნდება S'n'G და MTT ტურნირები. მომხმარებელს უამრავი სიახლე ელოდება.