როგორც სტენ მაკკორმაკი აცხადებს, კაზინოს ცნობილი ოთახის სახელი უკვე შეცვლილია. კაზინო Aria-ში Ivey's Room რამდენიმე წლის წინ გაიხსნა და მთელი ამ დროის განმავლობაში, ის ჰაი სტეიკს ქეშ გეიმებს მასპინძლობდა. დღეიდან, ფილ აივის სახელობის ოთახის სახელი Table1 იქნება. 

მაკკორმაკმა აივისტან დაკავშირებული სიახლე 'ტვიტერის' ექაუნთზე გაავრცელა. მალევე, განცხადება Aria-ს 'ტვიტერის' გვერდზეც გამოჩნდა, რაც იმას ნიშნავდა, რომ გადაწყვეტილება ოფიციალური იყო. 

Aria-ში 'აივის ოთახი' 2010 წელს გამოჩნდა და ის Bellagio-ში მდებარე Bobby's Room-ის ექვივალენტად იყო ჩაფიქრებული. 2010-ში კაზინოს ხელმძღვანელობისგან მსგავსი გადაწყვეტილების მიზეზად გულშემატკივრების სურვილი შეიძლება განვიხილოთ. გახსნის ცერემონიაზე პოკერის რიგით მოყვარულებს $1.000.000 დოლარიანი ფრიროლის თამაშის საშუალება ჰქონდათ. რამდენიმე იღბლიანმა თავად ფილ აივის წინააღმდეგაც ითამაშა ჰედს-აპი. 

ოთახის გახსნის შემდეგ, ყველაფერი ისე არ განვითარდა, როგორც კაზინოს მენეჯმენტი ელოდებოდა: აივი ვეგასში იშვიათად ჩნდებოდა და გაცილებით დიდ დროს მაკაუში, შორთ დექ პოკერის სესიებზე ატარებდა. თანდათან ცნობილი გახდა, რომ პრესტიჟულობის მიუხედავად, Ivey's Room-ში Bellagio-ს მსგავსი თამაში ვერ იმართებოდა. Bobby's Room-ს სახელი კაზინოს მფლობელის, ბობი ბოლდვინის საპატივსაცემოდ დაერქვა, მაგრამ Aria-ში აივის ოფიციალურად არასდროს უმუშავია. აღნიშნულ საკითხთან დაკავშირებით, ჯერჯერობით, ფილ აივის კომენტარი არ გაუკეთებია.