ხვალ, 31 ივლისს, Triton High Roller-ისა და PartyPoker-ის ერთობლივი პროექტი, £1.000.000 ფუნტ სტერლინგიანი ტურნირი აიღებს სტარტს. ღონისძიებაში მონაწილეობას თანამედროვე პოკერის საუკეთესო სახელები და მდიდარი ბიზნესმენები მიიღებენ მონაწილეობას. ტურნირის ორგანიზატორებმა არამხოლოდ მაგიდასთან მოწვეეული სტუმრების დონეზე, არამედ თამაშების ტრანსლაციის ხარისხზეც იზრუნეს: როგორც ჩანს, მაყურებლებს საკომენტატორო ოთახშიც დიდი ვარსკვლავთცვენა გველოდება. 

პოკერის გულშემატკივრების სასიხარულოდ, ტურნირის ნახვა პირველივე წამიდან, ფინალური მაგიდის უკანასკნელ დარიგებამდე პირდაპირ ეთერში იქნება შესაძლებელი. ტრანსლაციებს თანამედროვე პოკერის ისეთი ლეგენდები წაიყვანენ, როგორებიც ნიკ შულმანი, რენდი 'ნანონოკო' ლიუ, ლივ ბურე, ჯეფ გროსი, ლექს ვალდუსი და ალი ნეჯადი არიან. 

დენიელ ქეითსი, ტომ დუანი, ჯეისონ კუნი, სტივენ ჩედვიკი, ფედორ ჰოლცი, სემ თრიქეთი და იგორ კურგანოვი - პროფესიონალი მოთამაშეები, რომლებზეც დანამდვილებით შეგვიძლია ვთქვათ, რომ ტურნირში მონაწილეობას ოფიციალურად ღებულობენ. სათამაშო მაგიდებთან ასევე ვნახავთ: რობ იონგს, პოლ ფუას, კერტი კატზს, თალალ შაკერჩისა და ბობი ბოლდვინს. 

ტურნირს უნიკალური სტრუქტურა აქვს, რაც აქამდე პრაქტიკაში არ განხორციელებულა: ტურნირის საწყის ეტაპებზე მოყვარული მოთამაშეები და პროფესიონალები ცალ-ცალკე ითამაშებენ. ისინი ერთმანეთის მაგიდებზე მხოლოდ გვიან სტადიებზე გადაიკვეთებიან, როცა მოთამაშეთა რიცხვი მნიშვნელოვნად შემცირდება. ამასთან ერთად, ყოველ მოყვარულ მოთამაშეს, რომელიც ბიზნესმენადაა მოხსენიებული, ერთი პროფესიონალის მოწვევა შეუძლია. ამ მომენტისთვის, ცნობილია, რომ პოლ ფუამ თავისი ძველი მეგობარი, ტომ დუანი მიიწვია. სტენლი ჩოის არჩევანი დევიდ პიტერსი იყო, ხოლო ჩინელი მილიარდერის შვილმა - ვაი კინ იონგმა ყველაზე ძვირადღირებული ტურნირის სათამაშოდ, მალაიზიური წარმოშობის ფრანგი პროფესიონალი, რუი კაო დაპატიჟა.