31 ივლის, ლონდონში, საზეიმოდ გაიხსნა მსოფლიოს ყველაზე ძვირადღირებული ტურნირი - Triton Million - A helping hand for Charity. ტურნირი, რომლის ბაი-ინიც £1.000.000 ფუნტ სტერლინგს შეადგენს, საქველმოქმედო სახისაა: საპრიზო ფონდის ნაწილი ქველმოქმედებას მოხმარდება. 

გუშინ კი ღონისძიების პირველი დღე გაიმართა, რომლის ბოლოსაც 18 მოთამაშე სათამაშო მაგიდის მიღმა დარჩა. პირველი ადგილისთვის განსაზღვრული £19.000.000 ფუნტ სტერლინგისთვის ბრძოლას, რაც დაახლოებით $23.008.905 აშშ დოლარია, 36 მოთამაშე აგრძელებს. 

ტურნირს ისეთი სახელები გამოეთიშნენ, როგორებიც სემ თრიქეთი, პოლ ფუა, დენიელ ქეითსი, ლეონ ცუკერნიკი, ფედორ ჰოლცი და დევიდ პიტერსი არიან. 

პირველი დღის ბოლოს, ტურნირის ჩიპლიდერი ჰიუსტონელი ბიზნესმენი, ბილ პერკინსია, რომელმაც საწყისი სტეკის გასამმაგება შეძლო. "ტურნირი არაჩვეულებრივადაა ორგანიზებული, მაგრამ თამაში კარგად არ მიმდის, - ჩიპლიდის მიუხედავად, პერკინსი მაინც უკმაყოფილოა, - მთელი დღის განმავლობაში არაფერი მირიგდებოდა. ან თუ ნორმალურ კარტს მივიღებდი, ბორდზე არ მიმართლებდა."

დარიგება, რომელმაც მას ამოსუნთქვის საშუალება მისცა, მისი ისტორიის საწინააღმდეგოდ წარიმართა. ის ტოპ სეტით ელტონ ცანგისა და ბობი ბოლდვინის წინააღმდეგ ოლ ინ სიტუაციაში აღმოჩნდა. მის მოწინააღმდეგებს დაბალი სეტი და ორი წყვილი ჰყავდათ - უკეთესს ვერავინ ინატრებდა. "ძალიან მეშინოდა, რომ ვინმეს ფლეშ დრო ეყოლებოდა, - იხსენებს პერკინსი, - საბედნიეროდ ყველაფერი სხვაგვარად აღმოჩნდა."

ამ მომენტისთვის, ტურნირის ტოპ ათეული ასე გამოიყურება