ბათუმში მდებარე Eclipse Poker Club-ში $50.000 დოლარიანი ბედ ბით ჯეკპოტი გათამაშდა. პოკერ კლუბის აქციის გათვალისწინებით, სპეციალური თანხა იმ 'უიღბლო' მოთამაშეს გადაეცემა, ვინც AATTT-ით და მასზე მაღალი ფულ ჰაუსით დამარცხდება უფრო ძლიერ კომბინაციასთან. ბედ ბით ჯეკპოტის ერთ-ერთი პირობა ისაა, რომ დამარცხებული მოთამაშე ჯიბის წყვილს უნდა ფლობდეს, ხოლო დაპირისპირებული მხარეები შოუდაუნამდე უნდა მივიდნენ. 

სურათზე სწორედ ის დარიგებაა ასახული, რომლის წყალობითაც მოთამაშეებმა $50.000 დოლარი გაინაწილეს: AAATT ფულჰაუსი TTTTA ქუადსთან დამარცხდა. $20.000 დოლარი დამარცხებული ხელის პატრონს, ხოლო $10.000 დარიგების გამარჯვებულს შეხვდათ. მაგიდაზე მყოფ თითოეულ მოთამაშეს $1.250 დოლარი გადაეცა, ხოლო $8.000 დოლარი შემდეგ ჯეკპოტს დაემატა. 

პოკერის ისტორიაში ყველაზე დიდი ჯეკპოტი 2008 წელს, ლოს ანჯელესში გათამაშდა. მაშინდელ დარიგებაში 6-ების ქუადსი სთეით ფლეშთან დამარცხდა. გამარჯვებულს $141.000, ხოლო დამარცხებულს $564.000 დოლარი შეხვდათ. რა თქმა უნდა, გაუმართლათ მაგიდაზე მყოფ მოთამაშეებსაც, რომლებიც სრულიად შემთხვევით აღმოჩდნენ დამატებითი $17.000 დოლარის მფლობელები.