2020 წლის Aussie Millions Main Event-ის თასი მელბურნში დარჩა. 15 საათიანი ფინალური დღის შემდეგ, A$1.318.000 ავსტრალიური დოლარი, რაც დაახლოებით $907.196 აშშ დოლარის ექვივალენტია, ტაივანური წარმოშობის ავსტრალიელ მოთამაშეს, ვინსენტ ვონს ხვდა წილად. 

Crown Casino-ში ის საკმაოდ ნაცნობი სახელია: მან ორჯერ მოახერხა როიალ ფლეშის ჯეკპოტის მოგება, თუმცა, ეს მისი პირველი შვიდნიშნა ანაზღაურებაა. მე-2 ადგილზე გასული უოკ ტაი ჰონგი ფინალური მაგიდის შორტ სტეკი იყო. მან 15 წუთით დააგვიანა თამაშის დაწყებამდე, ხოლო ვინსენტ ვონმა მას მაგიდის ყველაზე ცუდი მოთამაშე უწოდა. მიუხედავად ამისა, მან ფინალური ჰედს-აპის თამაში და შეთანხმების გაფორმება შეძლო, რომლის წყალობითაც ზუსტად იგივე ანაზღაურება მიიღო, რაც პირველადგილოსანმა.

რაც შეეხება ტურნირის ფავორიტს და ფინალური მაგიდის ჰედლაინერს, ერიკ საიდელს: როცა მისი სტეკი 18 ბიგ ბლაინდამდე შემცირდა, AT-ით გააქტიურება გადაწყვიტა და მომავალ ჩემპიონს ოლ ინით შეუტია. საიდელისთვის სამწუხაროდ, ვინსენტ ვონს AJ აღმოაჩნდა, რაც მას დომინანტ პოზიციაში აყენებდა. მიუხედავად იმისა, რომ თამაში მე-5 ადგილზე დაასრულა, ერიკ საიდელი პირველი მოთამაშეა, ვინც 5 დეკადის განმავლობაში $10.000 დოლარიანი მეინ ივენთის ფინალურ მაგიდაზე თამაში შეძლო: