როგორც იქნა, დენიელ ნეგრანუს მრავალწლიან უიღბლობას ბოლო მოეღო. კანადელმა პროფესიონალმა მოთამაშემ Poker GO Cup-ის საუკეთესო მოთამაშისა და ჩემპიონის ტიტული მიიღო. 

ნეგრანუმ რამდენიმე დღის წინ $50.000 დოლარიანი ივენთის მოგება შეძლო, რომლის ფინალურ მაგიდაზეც ოპონენტებს ერთმანეთის მიყოლებით თიშავდა თამაშს. ამ გამარჯვებისთვის კანადელმა $700.000 დოლარი მიიღო. რაც შეეხება თავად Poker GO Cup-ის მთავარ ღონისძიებას: მისი გამარჯვებული კერი კატზი გახდა - ადამიანი, ვინც Poker GO დააფუძნა. მისმა ანაზღაურებამ $1.058.000 დოლარი შეადგინა.

$100.000 დოლარიან მეინ ივენთზე 23 ადამიანი შეიკრიბა, მათ შორის - დენიელ ნეგრანუც. ყველაფერი ისე ჩანდა, რომ ის მეორე დიდი ტურნირის მოგებასაც აპირებდა, მაგრამ მისმა ტრადიციულმა უიღბლობამ თავი იჩინა და გადამწყვეტ დარიგებაში AA-ით სემ სოვერელის 88-ის წინააღმდეგ დამარცხდა. საბოლოოდ, ნეგრანუ მეინ ივენთის მე-4 პოზიციაზე გავიდა და $230.000 დოლარი მიიღო. 

PokerStars-ის ყოფილმა და GG Poker-ის ამჟამინდელმა სახემ Poker GO სერიებზე საუკეთესო შედეგი აჩვენა. საერთო ჯამში, სერიებზე მისმა შემოსავალმა $996.200 დოლარი შეადგინა. მან ისეთ მოთამაშეებს აჯობა, როგორებიც ალი იმსიროვიჩი, დევიდ კოლმანი, ალექს ფოქსენი, ჯეისონ კუნი და ჯეიკ შინდლერი არიან.