ამერიკელმა მაღალი ლიმიტების რეგულარმა, დენიელ ქეითსმა, დაადასტურა, რომ ის, 'აჭარაბეთის' მიერ ორგანიზებული, MPN Poker Tour Tbilisi-ის თამაშს აპირებს. როგორც ჩანს, დაანონსებული MPN Georgia, უდიდესი იქნება აქამდე გამართულ MPN-ის პოკერის ტურებს შორის. ის 5 ტურნირს მოიცავს, რომელიც გაერთიანებულია ოთხდღიანი, $550 დოლარიანი მეინ ივენთის გარშემო, რომლის გარანტირებული საპრიზო ფონდი $250.000 დოლარს შეადგენს. ქვეყნის მასშტაბით ჩატარებული პირველი საერთაშორისო პოკერის ფესტივალი, 28 მაისს, სპორტის სასახლეში აიღებს სტარტს და 4 დღე გაგრძელდება. 

$550 დოლარიანი მეინ ივენთის გარდა, იგეგმება $220 დოლარიანი და $25 დოლარიანი საიდ ივენთები, შესაბამისად - $100.000 და $25.000 გარანტირებული საპრიზო ფონდით. გარდა ტურნირებისა, MPN აპირებს, სტუმრებს სხვადასხვა ლიმიტის ნონ-სტოპ ქეშ გეიმები შესთავაზოს. 

"მე ყოველთვის მაინტერესებდა ის ადგილები, რომლებზეც უცხოელ მოთამაშეებს ხელი არ მიუწვდებოდათ. მოუთმენლად ველი ამ მოგზაურობას, რადგან 'აჭარაბეთზე' ბევრი კარგი რამ გამიგია. ასევე მსმენია თბილისის საოცარ ატმოსფეროზე და ქართულ სამზარეულოზე, - თქვა დენიელ ქეითსმა, - იმასთან შედარებით, რასაც მე ვარ მიჩვეული, ეს მეინ ივენთი საკმაოდ მცირე ბიუჯეტისაა, მაგრამ გავიგე, რომ ბევრი მაღალი ლიმიტის ქეშ გეიმი იგეგმება. ვცდილობ სხვა მოთამაშეებიც დავითანხმო საქართველოში წამოსვლაზე. ჩემს სიაში, თბილისი ყოველთვის იყო ერთ-ერთი იმ ადგილებიდან, რომლის მონახულებასაც ვაპირებდი. ეს ტურნირი საშუალებას მომცეს ვნახო, რას შესთავაზებენ ადგილობრივი მოთამაშეები უცხოელ სტუმრებს. თავად ფაქტი, რომ ღონისძიება იგეგმება ქვეყნის უდიდეს სპორტულ დარბაზში, მეტყველებს იმაზე, თუ რამხელა ამბიცია აქვთ ტურნირის ორგანიზატორებს". 

'აჭარაბეთის' მარკეტინგის განყოფილების უფროსის, ლაშა მაჭავარიანის განცხადებით, MPN-ის თბილისის ივენთი იმ სტრატეგიის ნაწილია, რომელითაც, მსოფლიოში მეთერთმეტე ადგილზე მყოფი პოკერ რუმი, ცდილობს საკუთარი ბრენდის პოპულარიზაციასა და მსოფლიო პოკერის არენაზე წარმოჩენას. მისი აზრით, $550 დოლარიანი ბაი ინი ნებისმიერი კატეგორიის მოთამაშეს მისცემს თამაშის საშუალებას.

"აჭარაბეთი, საქართველოში, წარმოადგენს ლიდერ ონლაინ პოკერ რუმსა და უდიდესი კაზინოს. სწორედ ეს ორი ფაქტორი იყო იმ ამბიციის მიზეზი, რამაც გადაგვაწყვეტინა ქვეყანაში უდიდესი მასშტაბის მქონე პოკერის ფესტივალის გამართვა. სავიზო პრობლემების არარსებობის გამო, ჩვენ უამრავ სტუმარს ველოდებით მსოფლიოს ყველა წერტილიდან. თბილისი მსოფლიოს ერთ-ერთი უსაფრთხო ქალაქია, არაჩვეულებრივი სასტუმროებითა და სამზარეულოთი" - განაცხადა ლაშა მაჭავარიანმა.

2015 წლის MPN თბილისის პოკერ ტურის განრიგი