2015 წლის პოკერის მთავარ მოვლენამდე სულ რამდენიმე დღე რჩება. მაგრამ WSOP-ის დაწყებამდე, მოთამაშეები დროს არ კარგავენ და ონლაინ გრაინდინგს განაგრძნობენ. ბოლო პერიოდის უმნიშვნელოვანესი მოვლენა Spring Championship Of Online Poker - SCOOP იყო, რომელზეც ჯეისონ მერსიერმა სრული ფურორი მოახდინა - მან SCOOP-ის სამი ტიტული მოიპოვა. კელვინ ანდერსონმა კი საკუთარი რეკორდი გააუმჯობესა და ამჟამად ის SCOOP-ის ექვსგზის გამარჯვებულია. 

გარდა სატურნირო აჟიოტაჟისა, კვირა გამორჩეული იყო დაძაბული ქეშ გეიმებით. აიზიკ ჰექსტონმა, წინა კვირის $114.885 დოლარიანი მინუსი, 1197 დარიგებაში მოგებული $310.463 დოლარით გადაშალა. კვირის სხვა დიდი გამარჯვებულები იყვნენ: დონგ კიუ (+$217.612 - 6სესია/1338დარიგება), "BERRI SWEET" (+$193.578 - 24სესია/1299დარიგება) და "ringosnuff" (+$167.733 - 18სესია/534 დარიგება). 

მეორეს მხრივ, ამ კვირაში ყველაზე დიდი თანხა მიკაელ ტურიცმა დაკარგა. 2396 დარიგებაში, მან $271.074 დოლარი წააგო. სხვები, ვინც ასევე ვერ მოახერხეს მოგებულთა სიაში შესვლა, იყვნენ: "natalie724" (-$222.516), ოლა "Odd_Oddsen" ამუნდსგარდი (-$174.536) და "JayP-AA" (-$174.389). 

ფილ აივის შაბათის სვინგი

შაბათს, 16 მაისს, ფილ "Polarizing" აივიმ, რომელიც წინა კვირის საუკეთესო მოთამაშე იყო, 'ფულ ტილტზე', 8-გეიმსის მაგიდებზე "Holdemjill9"-ს დაუპირისპირდა, რაც, შეიძლება ითქვას, ყველაზე ცუდი გადაწყვეტილება იყო. ზუსტად 75 წუთის განმავლობაში აივიმ $195.100 დოლარი წააგო. თუმცა მოგვიანებით, ჯერ $1000/$2000 ლიმიტზე, კორტ კიბლერ-მელბის წინააღმდეგ 2-7 ტრიპლ დროუს თამაშისას, აივიმ $85.000 დოლარის მოგება მოახერხა, ხოლო შემდეგ, 'პოკერსტარსზე', ისევ 8-გეიმსში, ალექსანდრე კოსტრიცინს $77.700 დოლარი მოუგო. 

წარმატებული კვირა აიზიკ ჰექსტონისა და დაგ პოლკისთვის

კვირას, 17 მაისს, 'პოკერსტარსის' პროფესიონალმა, აიზიკ ჰექსტონმა და მაღალი ლიმიტების გრაინდერმა, დაგ პოლკმა, დღის დიდ მოგებულებად დაამთავრეს თამაში. ჰექსტონმა $106.200 დოლარი, ხოლო პოლკმა - $101.900 დოლარი გამოიმუშავეს. ჰექსტონმა, სიქს-მაქს პოტ ლიმიტ ომაჰას ერთ მაგიდაზე - $40.700 დოლარი, ხოლო მეორეზე - $81.000 დოლარის მოგება მოახერხა. მაშინ, როცა დაგ პოლკი 'პოკერსტარსზე', ჰოლდემის $200/$400 ლიმიტზე , ზუსტად 5 დარიგებაში ჯერ "yiyi01"-ის $35.300 დოლარს დაეუფლა, ხოლო შემდეგ 8-გეიმსის $400/$800 ლიმიტზე შონ დიბს დაუპირისპირდა, რომლისგანაც $66.600 დოლარი მიიღო.

გარდა აქტიური ონლაინ დაპირისპირებებისა, კვირა იმითაც იყო მნიშვნელოვანი, რომ გაირკვა ვიქტორ "Isildur1" ბლომის 'ტვიჩის' არხის გახსნის შესახებ. 

კვირის უდიდესი მოგებულები/წაგებულები